ბოგი ფაბიანი : ჯადოსნური ინტერიერი

უნგრელი დიზაინერი ბოგი ფაბიანი ევროპაში კარგად ცნობილი მხატვარია, რომლის განსხვავებული და უნიკალური შემოქმედება გულგრილს არც თქვენ დაგტოვებთ. იგი ამჟამად ვენაში აგრძელებს წარმატებულ მოღვაწეობას და თავბრუდამხვევ ნიმუშებს ქმნის როგორც ინტერიერის დიზაინის სფეროში, ასევე კერამიკისა და ბოდი არტის მიმართულებით. მის ნამუშევრებს შეიძლება ვუწოდოთ დახვეწილი, გასაოცარი და ამაღელვებელი, რაც ავტორის მგრძნობიარე ხასიათის თამამი გამოვლენაა.

თუ ფიქრობთ, რომ ჭერზე მიმაგრებული პატარა მანათობელი ვარსკვლავები ინტერიერის შთამბეჭდავი შტრიხია, ბოგი ფაბიანი თქვენს შეხედულებას თავდაყირა დააყენებს! ბოგი ფაბიანი ულტრა-იისფერი საღებავის გამოყენებით საკუთარი ხელით ხატავს ინტერიერს, რომელიც სხვადასხვა დონის განათების ფონზე განსხვავებულად აისახება ოთახის კედლებზე. მისი ნამუშევრები პირველი შეხედვით, დღის შუქზე შესაძლოა ჩვეულებრივად მოგეჩვენოთ, თუმცა უჩვეულო ემოცია სწორედ მაშინ დაგეუფლებათ, როცა ოთახში შუქი ჩაქრება… თქვენ მოულოდნელად აღმოჩნდებით კოსმოსის უკიდეგანო სივრცეში, ოკეანის ფსკერზე ან მთვარის შუქზე მოლივლივე ჩანჩქერის პირას…

თვალი გადაავლეთ მის ჯადოსნურ შემოქმედებას და შეიგრძენით ზღვა ემოცია!

მასალის გამოყენების პირობები:

გთხოვთ მიუთითეთ წყარო: luxhome.ge