სტუდიოს მოწყობა 53 კვ.მ–ზე

ბოლო პერიოდში, შეიმჩნევა სტუდიოს ტიპის ბინების მომრავლების ტენდენცია, რაც საცხოვრებელი ფართის რაციონალურად გამოყენების სურვილს უკავშირდება, განსაკუთრებით მაშინ, როდესაც ბინის ფართობი საკმაოდ მცირეა. გთავაზობთ 1 ოთახიანი, 53 კვ.მ. ფართის ბინის გადაკეთების ნიმუშს, რომელიც აერთიანებს იზოლირებულ საძინებელს, საგარდერობეს, კომპაქტურ სამუშაო და სპორტულ კუთხეს, ბარით გამოყოფილ სამზარეულო/სასადილო ოთახს და კომფორტული ინტერიერის ბევრ სხვა ნიუანსს.

ჰოლი (6.4 კვ.მ):

აქ ზედმეტი არაფერია – ჰოლის ფართობის შემცირების ხარჯზე, გაკეთდა საგარდერობე (3.5  კვ.მ) ოთახი რელსებზე მოძრავი სარკეებიანი კარით.

საძინებელი (10.3 კვ.მ):

რელსზე მოძრავი კარით გამოყოფილია საძინებელი, რომელიც გათვლილია ახალგაზრდა ოჯახისთვის. 

სამზარეულო (10.6 კვ.მ):

აქ შენარჩნებულია ძირითადი დეკორატიული შტრიხი – ქვის ფასადი და ქალაქის ხედები. თეთრ–შოკოლადისფერ ტონებში გადაწყვეტილი სამზარეულო ბარით, მსუბუქ და თანამედროვე იერს ანიჭებს სივრცეს. დიდი დატვირთვა მოდის ასევე განათების საშუალებებზე.

სამუშაო კუთხე (4 კვ.მ):

სამზარეულოსგან მცირედით გამოყოფილ ნაწილში, პატარა სამუშაო კუთხის მოწყობაც მოხერხდა და ადგილი სპორტული ინვენტარის მოსათავსებლადაც დარჩა. არსებული კარი გადის პატარა აივანზე, რომელიც 1,5 კვ.მ–ს არ აღემატება. 

აბაზანა და ტუალეტი (3.1 და 1.9 კვ.მ):

აბაზანა–ტუალეტი გადაწყვეტილია ასევე თეთრ–შოკოლადისფერ ტონებში, კარგი განათებით, კომპაქტური ავეჯითა და მოხერხებული სათავსოებით.