შეარჩიეთ კონტრასტული ფერისა და ფაქტურის ფარდები (დღისა და ღამის) – ეს არა მხოლოდ ლამაზია, არამედ პრაქტიკულიც.

შეღებეთ ფარდის საკიდი – ფერადი ფარდის საკიდები ხშირი მოვლენა არ გახლავთ, ამიტომ თავად შეგიძლიათ მისცეთ სასურველი ფერი მათ. ეცადეთ, რომ ფარდასა და საკიდს შორის ფერთა კონტრასტი მკვეთრი იყოს.

აქცენტირება მოახდინეთ ფარდის სამაგრებზე – გამოიყენეთ სპეციალური დეკორატიული ელემენტები, იქნება ეს პლასტმასის, ტყავის, ხის, ქსოვლის თუ სხვა მასალის, რომელთა მრავალფეროვანი არჩევანი მზა სახით იყიდება ფარდების სალონებში და სპეციალიზებულ მაღაზიებში. თუ ფარდის სამაგრებს არა შუაში, არამედ ჭერთან ახლოს დაამაგრებთ, ეს ხაზს გაუსვამს ჭერის სიმაღლეს (ან შექმნის სიმაღლის ვიზუალურ ეფექტს) .

შეარჩიეთ განსხვავებული ფარდის აქსესუარები – ფარდების სალონში ყოველთვის მოიძებნება სპეციალური დეკორატიული აქსესუარები ფარდებისთვის, რომლებიც თქვენს ფანჯრებს ორიგინალურ სილამაზეს შესძენს.

შექმენით ჰორიზონტალური ზოლები – ამისათვის რამოდენიმე სასურველი ფერის ქსოვილის შერჩევა და კარგი მკერავი დაგჭირდებათ! პროპორციები და ზოლების განლაგება თავად შეარჩიეთ.

ფარდის საკიდზე გამოიყენეთ ლამბრეკენი – ამ სტილს ხშირად შეხვდებით ამერიკულ და ინგლისური სტილის სახლებში. ლამბრეკენი ადვილად იხსნება და ირეცხება.