ყველაზე უჩვეულო ავტოფარეხი

ეს საოცარი გამოგონება, რომელსაც Gazebox ჰქვია (მწარმოებელი ქვეყანა – იტალია), არა მხოლოდ ავტომობილებისა თუ მოტოების კომფორტულ სადგომად, არამედ დასვენებისა და გართობის ადგილად გამოიყენება. გადახურული შუშის სტრუქტურა, რომელიც დისტანციურად იღება და იხურება, სპეციალური პოლიკარბონატის პანელების საშუალებით დაცულია მზის, წვიმის, სეტყვის, ქარის, ყინულის ზემოქმედებისაგან და ასევე, ცხოველებისა და ჩიტებისგან. მისი დამონტაჟება სირთულეს არ წარმოადგენს და მსურველებს ნებისმიერი ფერის შეკვეთაც შეუძლიათ. მფლობელებს შეუძლიათ იქვე განტვირთვის ან სასადილო სივრცეც მოიწყონ, როდესაც მანქანა გასულია.