შემინული აივნები – პლიუსები და მინუსები

შემინული აივნები დიდი პოპულარობით სარგებლობს თანამედროვე არქიტექტურაში. მისი პოპულარობის მიზეზი პრაქტიულობასა და დამატებითი სივრცის კომფორტულად მოწყობის შესაძლებლობაში მდგომარეობს, განსაკუთრებით იმ შემთხვევაში, თუ სახლი პატარა ფართობისაა. მინით დახურულ აივანზე შეიძლება სხვადასხვა დანიშნულების კუთხის მოწყობა: დასასვენებელი, სამუშაო კუთხის და ა.შ. ან შეგიძლიათ უბრალოდ დატკბეთ შესანიშნავი ხედებით.

ალუმინის პროფილებით შემინული აივანი ატმოსფერულ ფაქტორებს შესანიშნავად უძლებს და ანტიკოროზიული თვისებით ხასიათდება. გარდა ამისა, ალუმინის კონსტრუქცია კონფიგურაციის შეუზღუდავ შესაძლებლობებს ფლობს: ის შეიძლება გასაწევი მექანიზმით დაამონტაჟოთ და ფანჯრები ადვილად ამოძრაოთ.

დახურულ აივანზე სითბოს შენარჩუნება თუ გსურთ, დაამონტაჟეთ სპეციალური თბოიზოლაციის ჩანართის მქონე ალუმინის პროფილები.

უპირატესობები:

1. შემინული აივანი სრულყოფილ განათებას უზრუნველყოფს;
2. საიმედოდ იცავს სახლს გარემოს ზემოქმედებისგან;
3. ვიზუალურად მიმზიდველია;
4. პროფილების ფერებისა და დიზაინის არჩევანი შეუზღუდავია.

ნაკლოვანებები:

1. ხმაურის სრულ იზოლაციას ვერ უზრუნველყოფს;
2. რელსებზე მოძრავი ალუმინის პროფილების შემთხვევაში, ფანჯრის სარქველების გახსნა-დახურვა ზამთარში, ყინვის ზემოქმედებით შესაძლოა გართულდეს.