როგორ შევარჩიოთ ჭაღი?

ინტერიერის დიზაინში ერთ-ერთი ყველაზე მნიშვნელოვან დეტალს წარმოადგენს ჭაღი, რომლის სათანადოდ შერჩევა საკმაოდ რთულია. კარგი ვიზუალი რა თქმა უნდა, არ არის კარგი ხარისხის გარანტორი, ამიტომ ჭაღის შეძენამდე შემდეგი რჩევები გაითვალისწინეთ!

1. ყურადღება მიაქციეთ ჭაღის მასალას, რომელიც შეიძლება დამზადებული იყოს დამუშავებული რკინის, ვერცხლის ან ოქროს გამოყენებით, შუშის ან ქსოვილის (აბაჟურები), რომელიც ბოლო დროს საკმაოდ აქტიურად გამოიყენება ინტერიერში. გასათვალისწინებელია ის ფაქტი, რომ მინისგან დამზადებული ჭაღები დროთა განმავლობაში ფერს იცვლის და ყვითლდება, რომლის გაწმენდა შეუძლებელია, ლითონისგან დამზადებული ჭაღები კი ფერს ინარჩუნებენ, მითუმეტეს, თუ მათი ზედაპირი მოოქროვილი იქნება. ასევე კარგი მდგრადობით გამოირჩევა “აბაჟურებიც”.

 3. ჭაღების დეკორაციისას ხშირად გამოიყენება ძვირფასი კრისტალები, ბროლი თუ სვაროვსკის თვლები. ამ უკანასკნელით გაფორმებული ჭაღი განსაკუთრებულად ბრწყინავს და შუქსაც კარგად ირეკლავს. ბროლით და შუშით გაფორმებული ჭაღები კი დამატებითი განათების ეფექტს ნაკლებად იძლევა.

4. კარგი იქნება, თუ ჭაღს სიგრძის რეგულირების საშუალება ექნება, რადგან მას თქვენი ჭერის სიმაღლის მიხედვით დაკიდებთ.

5. ყურადღება მიაქციეთ ჭაღზე გამოსაყენებელი ნათურების სიმძლავრის ინსტრუქციას და არ გადააჭარბოთ მითითებულ მაქსიმალურ სიმძლავრეს. წინააღმდეგ შემთხვევაში, ჭაღი მალე გამოვა მწყობრიდან. ძველებური ტიპის ვარვარა ნათურებიც ჯობია ახალი თაობის ეკონომიური ნათურებით ჩაანაცვლოთ, რომლებიც ბევრად უფრო გამძლეა და ნაკლებ ელექტროენერგიას მოიხმარენ.

მასალის გამოყენების პირობები: გთხოვთ მიუთითეთ წყარო: luxhome.ge