ჩაქვი — ჩაქვი

ჩაქვი საკურორტო დაბაა ბათუმიდან ოც წუთში, მწვანე კონცხსა და ციხისძირს შორის. აქტიურად შენდება, კვადრატული მეტრის ფასი ბათუმზე დაბალია, მოთხოვნა სეზონურია.

რა ხდება აქ

ბოლო წლებში ჩაქვი სანაპიროზე განაშენიანების ერთ-ერთ ყველაზე აქტიურ ზონად იქცა: ახალი კომპლექსები ზღვასთან, კოტეჯური პროექტები ფერდობებზე, ჩაის პლანტაციები, რომელთა ნაწილი ნაკვეთებად იქცევა. ყიდულობენ ზაფხულში გასაქირავებლად და საკუთარი დასვენებისთვის, უფრო იშვიათად მუდმივი ცხოვრებისთვის.

ფერდობი და წყალი ადგილის მთავარი ტექნიკური თემებია. სახლები აქ კონკრეტულ გრუნტზე გათვლილი საძირკვლით შენდება, საყრდენი კედლებითა და დრენაჟით, თორემ ეზო ორ სეზონში ქვემოთ მიცურავს. ეს მეზობელ ნაკვეთებზე არაერთხელ გვინახავს.

რას ვაკეთებთ აქ

ბინებისა და სახლების რემონტი, მშენებლობა, ავეჯი შეკვეთით, აღჭურვა გასაქირავებლად, ბინების მართვა, დასუფთავება და მიღება დეველოპერისგან.

გაქირავება

სეზონი ივნისიდან სექტემბრამდეა, პიკზე თითქმის ყველაფერი დაკავებულია. ზამთარში დაბა მშვიდია, და ობიექტები ან დგას, ან დაბალი განაკვეთით ხანგრძლივ ქირაზე მიდის. წლიურ შემოსავალს ჩვენი ობიექტების ფაქტობრივი ციფრებით ვთვლით და არა აგვისტოს განაკვეთებით.